187
137
89
Level4
257
8
2019-09-08 692 views
呢日召埋個小新friend子一齊嚟潮聖,因為點心代表又同我最愛嘅🖍️蠟筆小新crossover。其實幾年前佢哋已經做過一次架喇,食過就......,再比次機會佢啦,最後發現味道都係差唔多😶。星期六夜晚完全唔爆場唔使等位👀,坐咗喺走廊位置嘅枱闊落啲。餐紙餐牌裝修全部都係小新的🥰,的確好啱粉絲嚟打卡。我哋唔係好肚餓,只係揀咗啲小新造型比較精美啲嘅點心(即係唔係齋插個卡紙牌)。第一樣係小新&Friends海鮮蒸腸粉(5件)($49),呢個腸粉味道正正常常啦,皮唔夠滑,豉油自己加,個餡其實係得一隻蝦🍤。小新同四個朋友,一人佔一件,就承惠五十大元,即係成十蚊一嚿🤭。第二樣要咗咸牛肉芝士西多士($69),呢個西多士嘅造型幾靚,係小新塊面嘅shape,上面再鋪咗塊大大嘅小新hea樣手工糖霜曲奇🍪,好QQ🙈。多士味道不過不失啦,好彩佢無用到我最憎嘅花生醬。第三樣係香脆牛油蛋撻🥧(2件)($49),蛋撻上面都有塊造型曲奇🍪,一塊小新一塊小白,都畫得幾靚。蛋撻味道正正常常啦,無咩特別。第四樣要咗不理不理左衛門流沙包(2個)($49),呢隻包超大個😅,個皮勁厚,我食到食完成餐都未食得哂......。不過抵讚嘅
Read full review
22 views
0 likes
0 comments
7 views
0 likes
0 comments
呢日召埋個小新friend子一齊嚟潮聖,因為點心代表又同我最愛嘅🖍️蠟筆小新crossover。其實幾年前佢哋已經做過一次架喇,食過就......,再比次機會佢啦,最後發現味道都係差唔多😶。
12 views
0 likes
0 comments

星期六夜晚完全唔爆場唔使等位👀,坐咗喺走廊位置嘅枱闊落啲。餐紙餐牌裝修全部都係小新的🥰,的確好啱粉絲嚟打卡。我哋唔係好肚餓,只係揀咗啲小新造型比較精美啲嘅點心(即係唔係齋插個卡紙牌)。
$49
11 views
1 likes
0 comments

第一樣係小新&Friends海鮮蒸腸粉(5件)($49),呢個腸粉味道正正常常啦,皮唔夠滑,豉油自己加,個餡其實係得一隻蝦🍤。小新同四個朋友,一人佔一件,就承惠五十大元,即係成十蚊一嚿🤭。
$69
5 views
1 likes
0 comments

第二樣要咗咸牛肉芝士西多士($69),呢個西多士嘅造型幾靚,係小新塊面嘅shape,上面再鋪咗塊大大嘅小新hea樣手工糖霜曲奇🍪,好QQ🙈。多士味道不過不失啦,好彩佢無用到我最憎嘅花生醬。
$49
4 views
1 likes
0 comments
3 views
1 likes
0 comments

第三樣係香脆牛油蛋撻🥧(2件)($49),蛋撻上面都有塊造型曲奇🍪,一塊小新一塊小白,都畫得幾靚。蛋撻味道正正常常啦,無咩特別。
$49
3 views
1 likes
0 comments

第四樣要咗不理不理左衛門流沙包(2個)($49),呢隻包超大個😅,個皮勁厚,我食到食完成餐都未食得哂......。不過抵讚嘅係佢個奶皇真係流心嘅,但皮太厚食好耐都未食到中間個餡......。
$59
9 views
1 likes
0 comments

最後一樣就係合家歡炸春卷($59),個造型幾靚☺️有好多牌仔,用高杯裝住五條長窄型嘅炸春卷,炸得幾好食,而且餡料幾足,條條都食到好多蝦肉。呢樣係五樣點心入面最好食😋。
3 views
0 likes
0 comments
13 views
0 likes
0 comments

總括嚟講,呢到點心味道就真係好普通,唔難食嘅,因為喺香港🇭🇰食點心真係好難會難食得去邊(外地另計),最多唔好食🙊。點心造型呢,就係幾靚嘅,亦係佢哋唯一嘅賣點...。環境都貼咗唔少小新Poster,但其實如果坐滿人,舖頭都幾迫。服務方面,有個疑似老闆嘅人就幾nice,其他就一般般啦。呢間點心餐廳長期都主打同唔同卡通人物crossover,我相信係佢哋最大嘅賣點嚟,亦因爲咁點心定價都幾貴💸,就算係對比貴價點心舖都貴起碼三分一至一半,所以如果唔係小新,我都唔會嚟食😆。
7 views
0 likes
0 comments
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2019-09-07
Dining Method
Dine In
Spending Per Head
$165 (Dinner)