Video
Read full review
2018-03-18
313 views
小酒聚。book之前有晒心理準備係好難搵，結果真係疑惑左好耐先搵到門口。睇openrice 的相冊，對環境頗有期望；入到去老實講卻有小小失望。可能保養不好，牆身花晒、餐台椅有點殘舊⋯⋯ 尤其燈光比較明亮，瑕疵好礙眼。另外另一檯的男顧客，可能因為訂檯問題，不斷同店員爭執，不勝其煩。原本以為私房菜形式的餐廳比較 private，但由於店裡好開陽，隔離檯傾談內容都聽得一清二楚 ⋯⋯店內的音樂只有5-6首英文歌，不斷loop。我有反映過，店員都認同好煩厭，但係老闆規定無辦法。唔好意思一輪嘴發牢騷。食物方面其實 ok 的。先來送的小小一板海膽刺身。大佬，無紫菜、無wasabi 豉油，店員表明係要齋食。送香檳勉強 ok 嘅。前菜我點了風乾火腿，48 個月真係唔同啲。好夠味，又夠口感。龍蝦湯夠濃郁，同埋夠熱。First main 帶子龍蝦汁意大利飯，細細碟，幾好味。主菜M7 澳洲和牛肉眼。細細塊，其實都夠晒。肉味濃，我點 medium rare 亦做到好juicy。甜品水果拼盤加雪糕。ok。自帶 champagne，bordeaux 紅酒，免開瓶費。星期五晚，我見得幾檯客。我覺得有啲可惜。無論地點、
睇openrice 的相冊，對環境頗有期望；入到去老實講卻有小小失望。可能保養不好，牆身花晒、餐台椅有點殘舊⋯⋯ 尤其燈光比較明亮，瑕疵好礙眼。
另外另一檯的男顧客，可能因為訂檯問題，不斷同店員爭執，不勝其煩。原本以為私房菜形式的餐廳比較 private，但由於店裡好開陽，隔離檯傾談內容都聽得一清二楚 ⋯⋯
店內的音樂只有5-6首英文歌，不斷loop。我有反映過，店員都認同好煩厭，但係老闆規定無辦法。
唔好意思一輪嘴發牢騷。食物方面其實 ok 的。
先來送的小小一板海膽刺身。大佬，無紫菜、無wasabi 豉油，店員表明係要齋食。送香檳勉強 ok 嘅。
前菜我點了風乾火腿，48 個月真係唔同啲。好夠味，又夠口感。
龍蝦湯夠濃郁，同埋夠熱。
First main 帶子龍蝦汁意大利飯，細細碟，幾好味。
主菜M7 澳洲和牛肉眼。細細塊，其實都夠晒。肉味濃，我點 medium rare 亦做到好juicy。
甜品水果拼盤加雪糕。ok。
自帶 champagne，bordeaux 紅酒，免開瓶費。
星期五晚，我見得幾檯客。我覺得有啲可惜。無論地點、食物，我覺得佢都有potential 更上一層樓。希望老闆比心機經營，比我地多一個地方酒聚。
Post
