嘉年華海鮮酒家 (Closed)

禮拜晚係附近揾唔到位，嚟呢到試下竟然有位，都有ｄ担心唔知係咪好差所以重有位。打開菜牌見到主要都係一ｄ大路街坊菜式，叫咗個套餐（＄３３８），有花尾兩味（花膠扣腩和珊瑚炒球），兩款小菜，我要咗唔知乜排骨同上湯”現”菜，個餐有個湯，叫咗蘋果雪耳生魚，另外叫多一個燒鵝例牌（＄５８）。ｄ小菜都算ｏｋ，份量都唔少，四個人食唔晒，味道不過不失，尤其是個”現”菜同個湯都幾好，煲完湯ｄ生魚點豉油幾好食，以一般家庭晚飯都算合格。加埋白飯同兩枝啤酒埋單五百四十幾，唔算平又唔係貴。