女友打去訂檯﹐個無尾音既職員好ｃｏｏｌ咁連再見都冇就收左我女友線．．．
７︰００到個職員完全當我地透明﹐咁就自己搵位坐好﹐
點野食﹐個職員完全無反應﹐搞到我好尷尬再重複多一次．．．
個職員就話︰「依樣你咪點左囉！」
到埋單無多謝﹐只係放低張單就行開﹐我放好錢等極佢都唔過黎收．．．
你估我想等你咩﹐等你找錢啊﹐唔係唔找呀嘛﹖
如果個職員本身無笑容其實我唔介意﹐但佢黑面到我連叫佢黎收錢都驚會同佢嘈交．．．
出到餐廳先覺得鬆一口氣﹐返到屋企即時成為ｏｐｅｎｒｉｃｅ會員寫下第一篇食評﹗﹗
ｄ野食味道﹖﹖我只係知道心情唔好食咩都唔好．．．而我本來心情係好好咁去。
見到黃霑個女黃宇詩係門口等外賣﹐我出門口既時候忍唔住想問黃宇詩間餐廳真係咁好食咩﹖
不過比女朋友拉住左:(:(
