銅鑼灣店喺希慎廣場6樓，餐廳都開揚，有吧枱亦有圓枱。我去到嗰陣冇人等位，餐廳都未滿座，可能因為新開啦。
阿夫利同另一間西餐share個舖位，起初張枱上面只係有西餐餐牌，我哋要問先攞到拉麵餐牌。我見同場都有人同枱又叫西餐又叫拉麵。都好嘅各有喜好嘛。
同事叫咗柚子拉麵，我就食豚骨拉麵，加咗一個魷魚小食。
2
同事嘅柚子拉麵湯清仲有柚子香。
我嘅豚骨拉麵，都ok嘅，冇咩特別，我下次都會食返柚子。至於小食，魷魚太油⋯唔會再叫。
唔使等位令人好開心，同埋間店都大，坐得幾開心。阿夫利我喺日本食過⋯咁梗係日本好食啲啦❤️
