魯一居利寶閣宴會廳 (Closed)

Total柯打咗七樣嘢，我覺得只有兩樣可以接受，其他都唔係咁OK。首先值得一讚既就係小籠包，六隻二十四蚊算抵食，小籠包內湯汁滿瀉，外皮厚薄適中，熱辣辣好燙口。盤絲餅亦較特別，香港很少地方可以食得到，麵團做得非常幼細，炸成餅形很有口感，上層加埋糖霜食，好味而且有新鮮感，可見師傅既心機及功力。魯家魚餃就不過不失啦，未試過既不坊一試。擔擔麵少辣，麵質不太彈牙，好普通，沒有花生碎影響整體口感。炸醬麵唔掂，肉醬較鹹。炸鱔又係較鹹，雖然炸得頗為香脆可口，但略細條，不能做到外脆內軟既效果，作為小食較好，但不是我們預期既炸鱔，所以有些失望。不過全晚最唔抵食既係綉球全魚（半條），以魚肉蒸做成魚丸形狀，得六舊但賣成一百三十八蚊，又貴味道又麻麻哋。侍應安排我哋坐喺半圓形既卡位，靠窗位置，四個人坐好舒服。八折後埋單三百六十幾蚊，唔貴，係條魚最唔抵。最好book定檯先，因為都有幾多客人。