天吉屋 (Closed)

次次都見到星期六日都好多人排隊，今日冇咩做就排隊試吓食。都排咗半個鐘。入到去先知原來只可以食45分鐘，老實講有啲急，不過我食飯都快，如果慢慢食嘅朋友就要留意番。我叫咗個天吉丼，朋友叫咗個天婦羅冷烏冬，感覺上冷烏冬抵食啲，因為佢嘅天婦羅下面都有飯，而且個烏冬幾彈牙，不過佢嘅天婦羅入邊就無魚，不過就有炸洋蔥，而炸洋蔥都係我哋一致覺得係最好食嘅，我自己覺得魚同埋蝦都OK嘅，幾大隻囉。佢嘅柚子醋配菜係可以不停添，而且幾開胃，好想買佢支柚子醋。總結唔使排隊可以試吓，但排完隊就覺得同期望有落差。