我的越南餐廳 (Closed)

今晚的晚餐同個同事係周圍睇下有咩好食,因為自己遲左食，但朋友都係陪飲嘢，所以係蘭桂芳見到一間食越南菜既, 係中環又比較少, 所以就試下啦~個裝修都幾舒服, 幾有越南情調既, 門口都可以坐客, 而且仲點住蠟蠋, 其實幾好feel既, 不過客人可以係露天位置度食煙, 但頭頂又有塊大帆布, d煙唔散, 所以自己就唔係幾中意, 叫左個清沅蒸粉卷 , 三寶飯 , 個蒸粉卷皮整得都幾厚, 入口唔太滑, 不過d餡就幾香既, 至於個飯, 就真係好失望啦, 因為件豬扒炸到乾哂, 完全食唔到, 似係師傅炸既時間過久了, 炸到無哂肉汁, 唔夠Juicy ...但個服務員好nice既, 點解咁講? 因為同左個女侍應講, 佢即刻話幫我整好d, 服務都幾好家~ 之後黎果件, ok好多啦, 不過都係徧乾, 隻雞翼係一般炸雞翼, 扎肉味道唔錯, 但個飯汁, 竟然係普通鼓油汁, 無乜香料味, 食越南野, 最緊要既都係食d香料配搭同汁醬, 好可惜, 呢度食唔到... 另外仲叫左2杯特飲, 其中一杯荔枝smoothie, 另一杯唔記得左咩名既cocktail...荔枝smoothie其實幾好飲, 夠荔枝味, 入口都好滑