老點點心竹筒飯 (Closed)

講真，論點心質素，食過土瓜灣一點甜之后，真係搵唔到好味有質素但價錢唔貴嘅點心店，但.... 食得多都厭，於是轉吓場，揸車落去旺角老點試吓。餐廳不大，座得三十個客，好彩去到有位唔洗等。睇吓個餐牌，有d特式點心喎，鮮上肉響玲腸，白汁芝士磨菇雞批，好，每款叫一客先。雖然講明冬筍普通鮮蝦餃，原來真係好普通，食唔出有筍，響玲腸重味咗小小，春卷同炸韭菜餃夠脆，百花壤魚肚份量少咗d。老實講，平生第一次食灌湯餃，餃入面嘅湯汁比浸住餃嘅湯熱，餃入面嘅翅當然係素翅，由於餃入面嘅湯汁熱到辣口，食果時要留意下。