十二味麻辣小當家 (Closed)

原來打算黎呢度食下佢地既麻辣，因為佢地係以麻辣聞名既，不過朋友話佢唔太吃得辣，就試下叫佢地既走辣睇下咩味道。原以為係以火鍋整個煲上，原來貼心的餐廳係幫我地一併煮好一次過遞上。我地叫左薯粉呀，不過唔係重慶味，係清湯底黎既，我食得出係豬骨製湯底黎，不過豬骨味唔算好濃，合晒我鍾意清淡既朋友。我欣賞佢地既薯粉，薯粉本身夠精瑩通透，食落又夠滑口，雪雪聲咁食好鬼滑呀，而口感就好軟諗諗。牛柏葉係薄身細細舊，能夠將豬骨味容易索入去之餘，仲唔會難消化，令本身質地較難消化既食物切薄係夠貼心。仲有芋絲同埋肥牛，芋絲就夠入味，肥牛味道加埋豬骨湯味令整個肉味更加豐富呀。