天天海南雞飯 (New Town Plaza Phase III)

Open Now

Now Closed

剛和朋友約會於沙田晚飯，泊車於城市廣場第三期，坐升降機到三樓，就見到天天海南雞飯餐廳，見門面都幾靚，噤就入去試試。坐落都好舒服，餐牌好特別，成本雜誌噤，睇落都好多嘢食，噤就叫咗個黑松露墨魚蝦多士，海鮮喇沙水晶粉，黑蘑菇牛筋牛腩和街坊砂鍋銀針粉；等上菜嘅時候飲一啖佢比嘅茶，竟然係香茅味嘅茶，果然有驚喜，好快咁樣，幾個餸就一齊拎嚟啦；首先個黑松露墨魚蝦多士，真係好好味，外脆內軟仲好香黑松露味，絕對推介；個黑蘑菇牛筋牛腩，係米芝蓮3星級，食落真係好入味，牛筋爽牛腩淋，但淋得嚟又唔會梅，一定要食！海鮮喇沙水晶粉，如果可以多啲海蝦味咁就絕頂啦！而個砂鍋銀針粉呢，賣相好靚，仲有隻生蛋喺上面，食落真係唔錯喎，撈咗蛋之後又好滑喎！全程服務員招呼周到，真係一個唔錯選擇。發覺雖然佢叫天天海南雞飯，但係其他嘅餸都好好食。