Video
Read full review
2022-09-21
348 views
又老多一年，生日飯第二彈。多謝認識多年的姊妹同我慶祝。今次食墨西哥fusion菜，係旺角一幢唐樓內，隔離就係賓館， 所以餐廳門口都特別寫著 "沒有房租"南乳版德國豬手紫酸菜芝士餡餅 ($88)叫咗半份，有4件，上面有少少酸忌廉，配上牛油果醬及蕃茄莎莎醬。芝士味好濃，南乳同酸菜味大概被遮蓋了，但係好好食，三種配醬都好fresh! 尤其個牛油果醬，就咁啪都得!! 我勁鍾意!!西班牙烤洋蔥薯仔原個蛋餅 ($115)蛋包著蕃茄汁同薯仔片，上面一片蕃茄同沙律醬，樣子有少少似大阪燒，味道上有啲淡，但都有啲香料味。15香料燉牛肉炒飯配煎蛋 ($115)叫咗最少辣，相信99.9%人都接受到(對我黎講完全唔辣)。個飯濕濕地，蕃茄味最重，入面有我平時唔食既橄欖，唔知係咪煮過，食埋落肚都唔覺有平時既怪味。墨西哥香料燒烤醬腸仔炒意粉 ($118)呢個食落就有啲普通，有少少似我自己整既炒蕃茄意粉，不過就重芝士好多。朱古力軟奶油蛋糕 ($68)生日message係紙牌而非用朱古力寫上，朋友見到好似有啲愕然，我是無所謂啦，反而令我失望的是蛋糕本身，上面的朱古力算濃，但總覺得奶油還奶油味，朱古力還朱古力味，仲有總覺得
今次食墨西哥fusion菜，係旺角一幢唐樓內，隔離就係賓館， 所以餐廳門口都特別寫著 "沒有房租"
南乳版德國豬手紫酸菜芝士餡餅 ($88)
叫咗半份，有4件，上面有少少酸忌廉，配上牛油果醬及蕃茄莎莎醬。芝士味好濃，南乳同酸菜味大概被遮蓋了，但係好好食，三種配醬都好fresh! 尤其個牛油果醬，就咁啪都得!! 我勁鍾意!!
西班牙烤洋蔥薯仔原個蛋餅 ($115)
蛋包著蕃茄汁同薯仔片，上面一片蕃茄同沙律醬，樣子有少少似大阪燒，味道上有啲淡，但都有啲香料味。
15香料燉牛肉炒飯配煎蛋 ($115)
叫咗最少辣，相信99.9%人都接受到(對我黎講完全唔辣)。個飯濕濕地，蕃茄味最重，入面有我平時唔食既橄欖，唔知係咪煮過，食埋落肚都唔覺有平時既怪味。
墨西哥香料燒烤醬腸仔炒意粉 ($118)呢個食落就有啲普通，有少少似我自己整既炒蕃茄意粉，不過就重芝士好多。
朱古力軟奶油蛋糕 ($68)生日message係紙牌而非用朱古力寫上，朋友見到好似有啲愕然，我是無所謂啦，反而令我失望的是蛋糕本身，上面的朱古力算濃，但總覺得奶油還奶油味，朱古力還朱古力味，仲有總覺得個蛋糕底有少少濃味咁。。。。
離開時餐廳坐滿人，枱枱都飲緊酒，似乎都幾好生意。
Post
