哨牙仔廚房 (Closed)

行過好幾次, 最先俾個名吸引咗, 因小弟小時候嘅花名就係叫哨牙仔😂見間舖裝修唔唔錯，都好想入去試，但好幾次都冇乜位，可能因舗細關係！今晚見人少少，就行埋去睇下個門口餐牌，原來係食台式快餐，價錢都算抵食！叫咗個豬軟骨飯+ 芋香奶茶，都係$49。咁好彩話唔夠豬軟骨，就加咗兩隻雞翼😊個賣相都唔錯, 聞到都好香！豬軟骨算落足材料, 口感好好, 食落好甘香😄 原來秘制既秘密係加咗我至愛嘅果皮！唔怪之得咁甘香啦！唯一缺點就係太咸！希望可以改進！好彩，有杯水準唔錯嘅芋香奶茶！有芋香味，唔算甜，又夠滑口。