皇茶 (Closed)

旺角街頭熱辣辣，經過廣華街，竟然見到有間台式飲品店有位坐之餘，仲有可愛哥基坐陣座位唔多，但都足夠歇一歇。 飲品menu除左有台式系列，亦有suntory啤酒。黑糖珍珠牛奶（$25）哈哈，呢杯同哥基店長一樣顏色的黑糖珍珠牛奶，味道唔會太甜，而且珍珠充滿黑糖味，亦好夠煙靭，唔會太淋。另外一杯飲品係店內推介的雪花啤啤（$35）。 芝士味夠濃夠厚，鍾意芝士的人啱晒！啤啤即係士多啤梨沙冰，水果味豐富，夏天飲非常消暑！