Korean Loft Cafe (Foo Yu Building)

舊舖食到依加，一直相安無事，但今晚嗌左個湯，佢比左個部隊鍋出來，員工唔為意可能係落錯單，拎走左。等左半個鐘，同枱其他人已經食到3/4，都仲未見個湯，催單，員工話幫我問。再等，金髮員工話整緊。再等多20分鐘，問馬尾員工先知原來廚房冇收過湯單。重點係全部員工完全冇同我解釋過發生左/發生緊咩事，亦完全唔覺得唔好意思。四眼男員工仲要話佢都係啱啱先知，問佢都冇用，講果時態度輕率。我叫佢叫經理（老細）來，後來老細就親自攞返碗湯出來同送餃子，不過我真係好嬲食唔落d餃子，同埋個湯應該冇跟單少辣，所以就問左四眼男員工攞罐忌廉溝鮮奶，之後老細又扱咗10個印花比我地。我都唔想冇回頭，但老細你真係要諗清楚要唔要比佢地繼續倒自己米。