味道樂居酒屋 (河內道) (Closed)

今日去尖沙咀K11，經過河內道有間叫味道樂居酒屋嘅日本餐廳，見門面及menu上嘅食物吾錯，就入左去試吓。入面無論裝修同埋氣氛都好正，恍如置身日本嘅居酒屋一樣。最後order左迷你吞拿蓉海膽丼、鹽燒雞翼、醬油燒年糕、煙肉荔枝卷及牛肉壽喜燒。迷你吞拿蓉海膽丼嘅吞拿蓉分佈整個丼飯面，而且鮮味十足，充滿魚味，最上嘅北海道海膽濃郁新鮮，極有海洋感覺。鹽燒雞翼燒得外皮脆內肉嫰，超級惹味。醬油燒年糕用秘製醬汁去燒，真心香口，加埋年糕本身嘅質感，咬落煙煙靭靭好好味。煙肉荔枝卷燒得剛剛好，煙肉包住荔枝，外面煙肉夠香，但鎖住入面荔枝肉原味，一d都吾乾，好junicy。牛肉壽喜燒就好足料，和牛肉味濃，兼油脂及肉質分布平均，配合蔬菜及其他配料食冇得輸。