燒鬼 (Closed)

見網上推介，諗住去試下點知中左伏。 去到本身就送左碟A4和牛，話岩食可以轉放題，但碟牛係完全係未解涷狀態，係成舊冰咁，放落個爐只係溶完雪先燒。第二樣係個爐出哂事，侍應哥哥已經話校到最大，結果依然好細火，啲野食完全係解涷中咁，燒到燶入面仲係生嘅。第三，個落單系統有問題，落左單永遠係漏單，不停再點，叫跟單都係唔會黎野食，一係黎左啲無嘅野食俾我地。完全唔知點解要用網上點餐。第四，啲熟食，魚生完全唔掂，叫泡菜到就食完飯先上到最後未夠鐘係咁催叫甜品，有雪糕同和菓子揀，叫左雪糕，點知無啦啦黎左碟和菓子，於是個白衫經理無啦啦行過黎話無哂雪糕，叫我地食。明顯就夠鐘，又唔想幫我地換。總括而言，成間野性價比極低，啲肉上黎係完全未解涷，完全唔得，以接近400元價錢食呢間，真心不了。