La Postre (荃灣廣場) (Closed)

餐廳環境舒服，樓底高，而且用左淺藍色為主，好優雅。晚市7點左右，已經幾乎坐滿，所以最好book左位先。叫左set dinner 西班牙黑毛豬扒配黑松露雜菌($248)，西班牙紅酒蕃茄肉丸配蒜蓉包($88)，西班牙蛋餅(細$59)，水果茶(跟dinner set加$15)。set dinner跟是日餐湯/沙律，飲品。餐湯係雜菜湯，酸酸香香，少少辣辣咁，雜菜量都幾多。附送既蒜蓉包，蒜蓉塗得均勻，烘過所以脆身。蛋餅厚身，即使叫細份，份量都有番咁上下。落order個陣，侍應有提話少少辣，好貼心。面頭灑上少少辣粉，但加埋蛋餅一齊食，其實唔辣，甚至會覺得好fresh，有陣蟹味咁。紅酒蕃茄肉丸放上枱，已經聞到有陣紅酒味。大量紅綠燈籠椒粒，洋蔥粒。肉丸起碼有10粒，粒粒都吸哂d紅酒蕃茄味，尼個醬汁好濃and稠，非常夾。配以既蒜蓉包，比餐湯既更加脆，即使放左好耐先食，都依然脆身，而且好多蒜蓉醬塗左係包上面。黑毛豬扒好香豬味，而且真係同平時食既豬扒味道完全唔同，d豬油都係好香唔油膩。肉嫩，放耐左先食，都係一樣嫩滑。黑松露雜菌另外放係一個小碗，黑松露量亦不少。水果茶茶底香濃，有少少好似梳打既味，大量水果，唔