The Food Gallery

終於同BUDDY 去食飯, 難得平日有假我地就去朗廷酒店食semi-lunch buffet, 之前食過一次, 覺得性價高, 地方舒適。食自助餐個日仲係5月頭, 所以依然有限聚令, 入餐廳前要探熱, 餐廳亦提供雞皮紙袋比你放口罩。主菜有好多款, 我地揀左羊架, 燒龍蝦, 兩樣都好啱胃口, 羊架5成熟, 燒得啱啱好 !除左主菜, 刺身, 壽司, 生蠔, 沙律, 甜品, 熱盤都係出面拎, 刺身, 壽司, 生蠔, 沙律均有職員協助, 盡量不要聚集客人取食物。真係要讚下餐廳食物質素, 職員執碟快, 有禮貌。每款食物好精緻, 用心精造, 不論中式西式, 尤其甜品, 款款都好正。最最最特別係有DELOX WATER, 少見到自助餐會有。下個月公司有聚餐, 我都推介左呢度, 亦都BOOK左啦 !! 期待下一次再去大食一餐。