Little Mario's Pizzeria (駱駝漆大廈) (Closed)

講起食Pizza，相信好多港人都會諗起Pizza Hut果D港式Pizza，咩芝心批，扭扭批，但其實正宗既Pizza就只有一個厚度，絕少整色整水，鍾意食野既我，一直都好想試下唔好以為工業區就冇好野食，觀塘工業區近年多左唔少好野食，因為鋪租低左就自然可以投放多Ｄ落食物質素到。雖然係工業區，但位於駱駝漆大廈既呢間店，一Ｄ都唔難搵，未入門口已經聞到陣陣既Pizza味==============================裝修簡潔舒服，伴隨住舒服既音樂，係同三五知己聚腳既好地方因為係下午黎食，所以冇乜人唔洗逼點左個二人餐，有個14吋Pizza，仲有個主食同兩罐野飲，其實都幾多，因為怕食唔晒唔敢叫意粉，只係叫左個沙律意式煙燻火腿沙律首先係沙律菜夠新鮮，然後其實我都幾怕食生火腿，因為好怕豬騷味，但佢既火腿唔會有呢個問題，另外加埋Ｄ醋，成個沙律就更好食，味道配合得更好意式肉腸薄餅其實我對14吋冇咩概念，上到台先知原來咁大塊，開始有Ｄ怕食唔晒呢個放左意式腸、燈籠椒、蘑菇、莫扎里拉芝士同埋奧勒岡香草既Pizza，岩晒我呢種鍾意食濃味野既食肉獸。意式腸腸味香濃但又唔會太咸，同芝士又融為一體，互相提升，