Video
Read full review
2017-06-15
166 views
行完千色店經過鳳攸南街，見到有間食京滬菜，最重要係餐牌上大大隻小籠包吸引到我，記得對上果次食上海京滬菜已經係三年前啦。餐館位於一樓，裝修簡潔時尚，坐位非常寬敞，仲有卡位提供，好適合一家大細用餐。咸肉炆津白，咸肉厚薄適中，略帶少少肥肉，唔會太咸，肉質炆到夠晒淋，小朋友都輕易食到。津白索晒奶白色既肉汁，非常鮮甜，呢款菜式送飯一流。拔絲香蕉，見枱枱都有叫，即刻跟風叫返份，賣相無得頂，見到都覺得好食，香蕉夠熟夠甜，外脆內軟，拔絲唔會太甜，所以食多幾件都唔覺膩，推介！京滬四小龍，個名勁呢，一籠有齊南翔、蟹粉、蟲草花同黑松露四款口味，夠晒矜貴，我平時食開南翔多，因為一般酒樓餐館食到既都係呢款，但唔同既係，呢度隻隻小籠包都皮薄多汁，而且皮薄得黎又唔會好易穿，真係要讚。蟹粉小籠包夠晒鮮味，入口一爆開，滿口蟹粉同湯汁。黑松露都落足料，好香又夠味，同小籠包呢個配搭都好襯。蟲草花咁滋補養生，我緊係俾朋友食啦。基評分: **味道(基基基基)**外貌*(基基基基)*抵食(基基基基)**服務(基基基基基)**最後基言:今餐都食得開心，坐得又舒服，下次會再黎試下其他菜式
行完千色店經過鳳攸南街，見到有間食京滬菜，最重要係餐牌上大大隻小籠包吸引到我，記得對上果次食上海京滬菜已經係三年前啦。
餐館位於一樓，裝修簡潔時尚，坐位非常寬敞，仲有卡位提供，好適合一家大細用餐。
咸肉炆津白，咸肉厚薄適中，略帶少少肥肉，唔會太咸，肉質炆到夠晒淋，小朋友都輕易食到。津白索晒奶白色既肉汁，非常鮮甜，呢款菜式送飯一流。
拔絲香蕉，見枱枱都有叫，即刻跟風叫返份，賣相無得頂，見到都覺得好食，香蕉夠熟夠甜，外脆內軟，拔絲唔會太甜，所以食多幾件都唔覺膩，推介！
京滬四小龍，個名勁呢，一籠有齊南翔、蟹粉、蟲草花同黑松露四款口味，夠晒矜貴，我平時食開南翔多，因為一般酒樓餐館食到既都係呢款，但唔同既係，呢度隻隻小籠包都皮薄多汁，而且皮薄得黎又唔會好易穿，真係要讚。
蟹粉小籠包夠晒鮮味，入口一爆開，滿口蟹粉同湯汁。黑松露都落足料，好香又夠味，同小籠包呢個配搭都好襯。蟲草花咁滋補養生，我緊係俾朋友食啦。
基評分: **味道(基基基基)**外貌*(基基基基)*抵食(基基基基)**服務(基基基基基)**
最後基言:
今餐都食得開心，坐得又舒服，下次會再黎試下其他菜式
Post
