吉列牛忌廉烏冬專門店 (百樂中心) (Closed)

又嚟到銅鑼灣食吉列牛lu～😆😆四五點上到去完全唔使排隊 可以包場🥳同朋友忙到唔記得食晏 即刻叫咗幾樣野呢間真係好好食 我好掛住佢個忌廉烏冬啲忌廉唧得好靚鋪滿成個碗就咁望落去完全唔知係咖喱烏冬👍🏻啲咖喱夠晒軟滑又香濃 攪拌上忌廉 少少辣 味道剛剛好 啲忌廉有保溫作用夠晒特色 就算隔多10分鐘食 佢都保持到熱度😆😆另外個吉列牛上枱嘅時候有個石板燒大概每塊燒兩三分鐘就已經完成吉列好鬆脆 加埋佢係薄切 所以好快熟透半紅半啡嘅狀態已經好足夠 口感好嫩每塊牛再加埋佢個飯素 有啲芝麻紫菜為日本珍珠米飯增添風味 非常滋味 最後加埋杯飲品 有紅棗蜜同菊花蜜 紅棗蜜有啖啖紅棗 滋潤潤喉又下火👍🏻👍🏻