咖啡灣 (粉嶺中心) (Closed)

朋友成日都同我講，咖啡灣嘅咖啡同埋意粉都好好食。今日行商場見到粉嶺入邊原來有一間咖啡灣，於是我哋就入咗去食晚餐。佢而家嘅dinner set可以加$15將個餐湯轉做黑松露忌廉湯，我哋就叫咗一個黑松露忌廉湯嚟試吓飲。黑松露忌廉湯嘅黑松露味道好濃， 湯亦好滑，見佢平時就咁叫一碗都要$35 ，而家加$15都算幾抵。三文魚松露忌廉意粉，三文魚俾得好慷慨，食落去勁滿足，松露忌廉意粉都好重嘅松露味道，松露同埋三文魚好襯，成碟意粉口感好豐富。香辣蒜香大蝦意粉，辣到可以調校，蒜味好足夠，有成四隻大蝦，大蝦食落去好彈牙新鮮，意粉亦都炒得軟硬適中。荔枝菠蘿烏龍茶，成杯感覺好新鮮，原來烏龍茶仲有菠蘿味道都幾夾。至於熱帶森林水果茶，熱情果味道好香濃，仲有蠟燭台可以坐熱，就唔怕飲到凍哂。我哋試咗佢哋嘅摩卡，朱古力味好濃郁，咖啡好易入口，值得一飲！仲有佢哋嘅黃金雞翼，鹹蛋黃味都好出色，食極都唔厭，牛油同埋鹹蛋黃好夾，會食食吓食上癮！