1
🌸今日𡃁妹終於約班姊妹團👯👯♂️出嚟見過面喇。人多最難夾嘅係時間，最後就夾咗星期日早上至中午時段喺尖沙咀美麗華商場入面嘅的《Espresso Alchemy 》食個branch啦。
1
📌落電梯就會見到位於美麗華商場低層地下一樓的《Espresso Alchemy 》，有外坐同內坐，外坐就比較開放🛋，直情喺商場電梯下邊； 內坐嘅餐枱就唔算太多，不過私隱度高啲啲，姊妹團咁多嘢講，都係坐返入面好啲啦。
1
📌《Espresso Alchemy 》主打嘅當然係咖啡啦☕️，佔咗Menu大半版，另外都有配合一啲意粉🍝、沙律🥗、多士🥐、甜品🍩來配送咖啡。而10:30黎到，呢個時間就係提供breakfast set。
1
煙三文魚多士，$79
📌難得一次熊妹一睇個Menu就即刻揀中嘅食物，因為熊妹見到隔離枱個賣相幾靚。
一隻長條型嘅白碟，左右兩邊各擺放一大件煙三文魚多士，中間就放滿一堆火箭菜。
1
煙三文魚有兩三塊，砌成玫瑰花，下面鋪滿碎蛋沙律，然後襯托一件烘過嘅法包多士。
份量真係十足，煙三文魚唔會好鹹，碎蛋沙律用嘅係蛋黃醬，味道淡淡地，兩者不嬲都好夾，加埋少少法包襯底，超級飽肚。
1
牛角包，$18
姊妹本身想叫其他餐牌上的青醬雞扒沙律，但係呢個時間冇供應，唯有揀牛角包🥐。
都好大件喎！牛油味好重，酥皮好鬆化，咁嘅價錢幾抵食！
2
Alchemy精選全日早餐，$138
📌大食𡃁妹咁大食，唔睇個Menu都知道佢一定會叫呢個全日早餐先夠佢食。
呢份全日早餐真係不得了，幾乎係集合全份早餐Menu入邊嘅材料，有炒蛋🥚、煙三文魚🐠、牛油果蓉🥑、咖啡白朱古力西多士🍞、焗薯粒🥔、香腸🐷同牛角包🥐。
炒蛋好滑；煙三文魚都有兩三塊；牛油果蓉有一大杯，非常熟透；咖啡白朱古力西多士即係塗上咖啡白朱古力醬，甜甜地，咖啡味唔算出；焗薯粒有一大堆，調味過幾惹味；香腸係德國豬肉腸，唔係普通廚師腸咁Hea你；牛角包就係迷你一件，好鬆化。其實真係好難想像一個女仔可以自己食得晒呢份全日早餐。
1
Uji Ceremonial Matcha Latte，$41
📌高妹陣間約咗男朋友仔食晏，所以飲杯嘢算啦。
非常香濃嘅宇治抹茶味，奶泡位十足，《Espresso Alchemy 》的冲調飲品真係好到位。
1
Flat White，跟餐價，加$5
📌熊妹的咖啡心頭號就係Flat White，黎到咖啡精品店，當然要品嚐一下啦。
果然沒有令熊妹失望，厚奶味之餘又帶出咖啡香濃嘅味道，飲落去真係為之一振，🈵意。
1
📌《Espresso Alchemy 》無論食物同飲品都做得幾出色，價錢非常合理，仲要唔收加一，絕對係一個非常好hea嘅地方。
