下午唔想食太heavy, 只想簡簡單單, 坐得舒舒服服. 店內佈置好小朋友, 好啱我
雖然我有大人嘅外貌, 但一直都很鍾意小朋友, 可愛, 夢幻嘅任何東西, 
在cashier旁的logo下還有3大座LEGO, 由細至今都好想自己擁有類似嘅LEGO, 入去都睇咗一陣LEGO先肯坐底.
首先, 我同個FD 分別點咗飲品, 我點嘅係"冰搖咖啡" ($32), 咖啡味道較香濃, 我第一次凍飲呢款濃度嘅咖啡, 我唔加糖覺得可以更加飲到咖啡個味,
個FD 鍾意飲熱飲 "熱帶水果茶" ($42), 一路熱住個茶, 慢慢一邊食一邊飲, 甜度合適, 仲有好香嘅生果味.
係咁而揀咗3款食物: "軟殼蟹凱撒沙律" ($88), 用上較杰身嘅黑醋做調味, 軟殼蟹大大隻騎喺沙律上面, 好有氣勢, 而食落唔會油膩.
"香草白酒忌廉煮蜆" ($64) 酒味好出, 加入適量嘅白汁及肉絲,
我地2個都好鍾意食, 而且蜆肉都算幾大隻, 堆到好滿好似食極都未食完咁.
靚女最愛嘅甜品點可以少, 好有少女心嘅我地揀咗個PINK COLOR嘅
"玫瑰花草莓窩夫" ($82), 2個人SHARE 份量剛剛好. 窩夫軟硬佮到好處.
