Video
Read full review
2010-01-13
20 views
三人聚會但有个遲到...好在我地約响cafe可以hea住等!我地一坐低老細就好nice咁問有冇飲開邊類型咖啡,知道我地口味後,老細介紹左:1)焦糖拖肥咖啡-俾朋友仔,我試左一啖,味道都唔錯!2)杏仁白朱古力咖啡-我初頭聽到白朱古力好鬼驚架,好在一啲都唔甜~ 老細用左Amaretto syrup,佢話呢隻飲落杏仁味會清啲冇咁假喎~3)藍莓咖啡-俾遲到嘅朋友,呢个聽落醒神飲落亦冇另大家失望藍莓嘅香甜味唔會俾咖啡蓋晒~~呢杯係我最欣賞嘅!!鐘意新口味嘅真係要試下喇~(我地掛住吹水冇影到相...)總結:三杯咖啡泡沫細緻,飲落亦順喉唔酸;廿零蚊大大杯已經物超所值啦~~咖啡同紅酒一樣好睇个人口味!我平時只係飲開Starbucks/Pacific coffee貪佢地方便就腳水準穩定,雖無驚喜亦唔會太失望!其實我都好鐘意illy咖啡嘅醇厚回甘~但呢个世界好公平架,品質舖位名氣同價格係絕對成正比囉... 呢間cafe嘅咖啡豆可能唔係最靚,環境只算一般...但我相信大家試過騷媚嘅咖啡之後,都會同我一樣感受到老細背後嘅心機同誠意~~!!!
我地一坐低老細就好nice咁問有冇飲開邊類型咖啡,知道我地口味後,老細介紹左:
1)焦糖拖肥咖啡-俾朋友仔,我試左一啖,味道都唔錯!
2)杏仁白朱古力咖啡-我初頭聽到白朱古力好鬼驚架,好在一啲都唔甜~ 老細用左Amaretto syrup,佢話呢隻飲落杏仁味會清啲冇咁假喎~
3)藍莓咖啡-俾遲到嘅朋友,呢个聽落醒神飲落亦冇另大家失望藍莓嘅香甜味唔會俾咖啡蓋晒~~呢杯係我最欣賞嘅!!鐘意新口味嘅真係要試下喇~(我地掛住吹水冇影到相...)
總結:
三杯咖啡泡沫細緻,飲落亦順喉唔酸;廿零蚊大大杯已經物超所值啦~~
咖啡同紅酒一樣好睇个人口味!我平時只係飲開Starbucks/Pacific coffee貪佢地方便就腳水準穩定,雖無驚喜亦唔會太失望!其實我都好鐘意illy咖啡嘅醇厚回甘~但呢个世界好公平架,品質舖位名氣同價格係絕對成正比囉...
呢間cafe嘅咖啡豆可能唔係最靚,環境只算一般...但我相信大家試過騷媚嘅咖啡之後,都會同我一樣感受到老細背後嘅心機同誠意~~!!!
Post
