咖啡弄 (Closed)

終於試到聞名已久的咖啡弄啦，記得剛剛開陣真係排到落樓下，今日已經開左一段時間，我晚上8點幾去到，估唔到仲要特幾張枱先食到。因為已經食左晚飯，唯有試甜品同飲品啦。叫左杯熱柚子茶一杯冰生果茶、同埋一個鹽味焦糖窩夫。兩杯飲品都多以橙味為主，冰的較苦澀，較適合男士。熱的用玻璃茶壺載住，但蓋子同壺身唔配合，要小心按全蓋子沖先不致倒翻。熱柚子茶非常濃，濃到我依完個甜品飲返杯野味道一啲都冇減淡。起初真係覺得好好味，柚子味濃、酸酸甜甜，但由於份量太多，一壺可以分5-6杯黎飲。飲到第4杯已經甜到唔想飲，最尾果杯真係完全飲唔到…鹽味焦糖窩夫有四大塊，我同朋友share最終都食唔曬﹝未食飯真係可以當飯食﹞。碟上的食物真係好豐富，有雪糕、cream、有糖漿、牛油同最重要的主角─窩夫。窩夫的製法相信係一面脆、另一面軟﹝打開個窩夫機蓋﹞，雪糕糖漿都係鹽味焦糖味道既，實在令salted caramel粉絲為之瘋狂。糖漿加牛油加強了兩樣野既懸殊感，咸咸的牛油更加帶起焦糖的芬芳。可惜waffle的味道未如理想，雖然好厚都仍顯鬆軟，但係明顯蛋味不足，大為失色。今次試左飲品同甜品，下次試埋咸點先俾進一步既評論、暫時話住ok