澳門翠苑餐廳 (Closed)

同朋友臨返學前，經過此鋪，查看招牌，心諗...「乜咁似旺角熟食市場0個間？連食物款式都一樣！」見仲係下午茶時段(直至6:45pm)，最後決定入去試下，朋友叫左炸魚柳沙津餐($23)，我叫左雞翼薯條+招牌咖啡($25)。雞翼餐送到，薯條碎濕亦炸得唔夠香，雞翼得2隻細既，最好飲係咖啡，從咖啡味道及賣相去睇，更加肯得佢係熟食中心0個間既分店。炸魚柳沙津，魚柳做得出色，炸粉炸得夠脆夠薄，魚柳好有魚味，如果沙津加多d鮮果仲一流臨走時問問老闆食店背景，原來熟食中心0個間係佢大哥，因意見不合，決定自立門戶，仲叫我地多d來食支持下。如果食物好味，服務又好既話，我梗係會再來啦！