新景園咖喱小廚

Open Now

Now Closed

今日在離島行咗成個下午，肚子打鼓，下船第一時間由中環乘地鐵到灣仔的新景園食他出名的㗎哩豬。未到之前都預咗要在門口等一陣，不過條隊都唔長只有6，7個，可能是大多人晚上放工就會回家吃飯，不像午飯時間，要外出用膳或者買飯盒，唔使15分鐘可進店坐了，簡單的餐牌大大隻字掛在牆上，兩個人叫咗個㗎哩豬和蒸雞套餐，有湯有菜和白飯。▪飲完碗雪耳湯，碟㗎哩豬上枱了，豬扒多過飯，剛剛炸好，舖滿成碟飯，金黃鬆脆，快快手裝碗飯，將件切開的豬扒加上㗎哩汁送飯，很開胃，咬落去超滿足😋😋😋，炸粉厚薄適中，唔會過厚，唔會離開件扒，豬扒不太淋，有咬口又唔會韌，扒質甜美有肉味，幫襯新景園大大話話都有二、三十年了，水準始终如一，冇一次令我失望，他的㗎哩豬扒相信是全港最好食的一間👍👍👍▪碟籠仔蒸雞就似乎走了樣，印象中一上枱，會陣陣酒香撲鼻，雞件件件有光澤，現在的籠仔雞卻無哩火氣，灰灰地無酒香，可能專注做扒，少人叫啦😐順便一提，食㗎哩豬，難免會口乾和有些辣，這時飲番杯凍檸樂加冰，那種清涼感覺在口腔散發出來，真是又順又爽😂😂😂，超超滿足！