火間土 (Closed)

朋友出左bonus請食飯，想搵間坐得舒服又有d景既餐廳食dinner。就book左火間土既海景房（最低消費$550)。兩個人叫左九樣食物。﹣壽司拼盤：大部份都幾新鮮，但軍艦壽司既紫菜漏哂氣，一d都唔脆。﹣柚子豆腐沙律：個汁幾酸下，但夾埋d豆腐一齊食就啱啱好！幾開胃添。﹣劍魚刺身：我無食，但朋友話超鯹~﹣油甘魚刺身：新鮮，再肥d仲好。﹣炭燒長腳蟹：燒得剛好，蟹肉夠厚，肉都算甜。﹣燒北寄貝：北寄貝唔夠新鮮，咬落完全無𡁻頭。﹣燒銀鱈魚：好滑好香，但「一遊」既燒銀鱈魚比火間土更好食！﹣鐵板牛枊：好正常既鐵板牛枊，無咩特別。﹣芝麻醬冷烏冬：烏冬夠煙靭，麻醬都幾好，清清地。總括黎講有好食，都有麻麻地既，淨以食物黎講，OK，加埋個海景加多少少分。埋單$79X。海景房都幾爆，最好早少少訂位。