ねずみの王冠 喫茶店

Open Now

Now Closed

一入到黎就覺得哩間cafe 好warm, 用左木既枱櫈同柔和黃燈，感覺舒服。cafe有部份位置有日本精品售賣，見到隻公仔老鼠好可愛！打開餐牌見到好多選擇，有飯、麵、串燒、鍋物、飲品等等，好多款都想食呀！明太子蟹肉炒飯 $118最近愛上明太子既食物，見哩個炒飯都有明太子就叫左黎試。炒飯份量好多下，見到落左好多明太子呀，仲有蟹肉。炒飯既調味清清地食到鮮味，用左日本米好有咬口，不錯！雞軟骨 $22串燒叫左最愛雞軟骨，淋上少許檸檬汁食最正。吉列魷魚 $68哩款小食好好味呀，魷魚圈炸到金黃色，個醬好夾呀，係沙律醬加左蛋同小黃瓜，真係好食到停唔到。野菜牛肉鍋 $118見到幾乎每一枱食客都有一鍋，我地都叫黎試下。鍋大約等7分鐘就滾起，都有幾多料嫁，有肥牛、金菇、兩款菜、豆腐、冬菇、炒絲，個湯底用左甜日本豉油好味，熱辣辣煲任食喺cafe黎講幾得意嫁！凍榛子鮮奶朱古力 $36杯朱古力好香濃既榛子味，口感好滑味道岩岩好，係一杯好好飲既凍朱古力。