Video
Read full review
2018-01-20
34 views
前幾日同男朋友喺灣仔睇完球賽，由於我自己覺得麻麻地，跟住就拉咗佢走。睇完大概九點幾左右，晚餐就好多都冇得既選擇，於是就搵深夜營業嘅餐廳，只剩返宵夜因爲好多餐廳都就關門，佢本身又鍾意食日本野，跟住就搵咗銅鑼灣一間串燒店。之後幾日佢睇返重溫片段發覺原來下半場係幾好睇，我真心覺得對佢唔住🙈好彩最尾嘅嘢食係好食嘅希望佢有因為咁而開心返D啦～搭巴士去到銅鑼灣澳門逸園中心，其實澳門逸園中心真系好多野食，之前系度都食過一兩間質素都吾錯，不過個人覺得戈度都系以日本菜為主。由於去到嗰陣已經係十點幾，嗰度就冇乜客人，我哋食嘢嘅速度都比平時快，費事太阻住人哋收工。牛肉忌廉餅 $28首先叫咗個牛肉可樂餅，其實我平時喺日本餐廳就好少食呢個，不過男朋友話OK嘅，跟住就叫左。食完之後唔明同可樂有咩關係？醬汁其實只係平時用嚟點日式豬扒嘅醬汁，不過講返舊牛肉餅係唔錯嘅，其實食落就好似薯蓉嘅質感，軟林林咁，入面軟林林加埋出面脆卜卜嘅感覺又幾配合。煙肉荔枝卷 $28煙肉荔枝卷想必都係日式餐廳多數都有嘅菜式，每次食嘅時候都會唔明點解兩樣嘢會係咁樣配搭😅真心覺得發明嗰個都幾犀利，明明兩樣嘢完全一啲關係都冇，竟然都可以混合埋一齊
搭巴士去到銅鑼灣澳門逸園中心，其實澳門逸園中心真系好多野食，之前系度都食過一兩間質素都吾錯，不過個人覺得戈度都系以日本菜為主。由於去到嗰陣已經係十點幾，嗰度就冇乜客人，我哋食嘢嘅速度都比平時快，費事太阻住人哋收工。
牛肉忌廉餅 $28
首先叫咗個牛肉可樂餅，其實我平時喺日本餐廳就好少食呢個，不過男朋友話OK嘅，跟住就叫左。食完之後唔明同可樂有咩關係？醬汁其實只係平時用嚟點日式豬扒嘅醬汁，不過講返舊牛肉餅係唔錯嘅，其實食落就好似薯蓉嘅質感，軟林林咁，入面軟林林加埋出面脆卜卜嘅感覺又幾配合。
煙肉荔枝卷 $28
煙肉荔枝卷想必都係日式餐廳多數都有嘅菜式，每次食嘅時候都會唔明點解兩樣嘢會係咁樣配搭😅真心覺得發明嗰個都幾犀利，明明兩樣嘢完全一啲關係都冇，竟然都可以混合埋一齊食，可能係因為煙肉本身油膩，但加埋荔枝可以中和返。
生燒牛舌芯 $38
牛舌有一樣野幾特別嘅就係有分厚同埋薄，其實兩樣都好食嘅，係睇自己鍾意個質感豐富啲定係薄身啲。我個人認為是不錯的，其實真係好新鮮好熱，厚薄度都做得幾好，如果係冇講明厚薄嘅情況之下其實咁樣就差唔多。
明太子玉子燒 $98
見網上有人推明太子玉子燒所以就叫左嚟食，感覺上唔係咁適合我雖然份量係好多，但係啲蛋其實一啲都唔滑，搞到好似俾咗好多錢食一舊好貴嘅蛋咁樣⋯⋯另外明太子原來係辣嘅，其實我唔知正宗嘅明太子係咪辣既，不過如果知道嘅話我唔會叫呢樣。
野菌黑松露炒烏冬 $68
整返個野菌黑松露烏冬先，我想講呢個真係好鹹😣佢嘅醬汁其實系好重料，但我認為呢啲已經唔係濃味咁簡單，而係個醬真係太鹹。黑松露嘅味就OK嘅，烏冬幾滑嘟嘟既，我覺得幾好食，但整體未至於係回頭率好高、令人好想再食嘅菜式。
呢間餐廳嘅串燒其實都好好味，但係主食同埋玉子燒既質素都麻麻地，雖然係叫一鳴燒，但質素好嘅唔應該係得串燒希望之後佢其他食物都會整得唔錯，咁樣先至可以吸引更多客人。
Post
