味道樂居酒屋 (河內道) (Closed)

今晚出老尖shopping，行過河内道見呢間味道樂居酒屋人頭湧湧，咁就入去試吓。舖頭面積唔算大，裝修採用日本傳統居酒屋風格。餐牌上選擇多多，刺身、壽司、燒物、飯麵、甜品樣樣齊。咁我哋先嚟個赤貝刺身($98)，新鮮爽滑，正。火炙北海道帆立貝蟹膏卷 ($88)，蟹膏甘香，帆立貝鮮甜，口感層次非常豐富。讚！蟹膏醬燒虎蝦 ($68/隻)，意想不到嘅味道組合，滋味十足。大葱特上吞拿魚腩卷 ($78)，大葱配味道較淡嘅吞拿魚腩，全面發揮提鮮嘅功效，一直都係最佳配搭。幸福海膽丼 ($258)，賣相精緻，一睇已令人食指大動。鮮甜creamy嘅海膽，加上綿膩嘅吞拿魚腩蓉，配上鹹香嘅筋子，滿口豐盈滋味，難怪取名幸福滿滿。最後來一杯巨峰提子乳酸梳打 ($38)，酸酸甜甜嘅清新感覺，讓今個晚上更加圓滿。