呢間餐廳晚市有分「一人餐」同「二人餐」，我哋揀咗兩個一人餐，因為一人餐先有魷魚鬚小食😏（呢個係重點呀！魷魚鬚控留意👀🦑）。咁講返套餐嘅內容先：
第一個set：鹽蔥厚切牛舌丼
牛舌切得厚，再juicy D 就正～配埋鹽蔥幾好～🤤！仲有個餐湯可以俾你揀，我今次要咗西式餐湯，係蕃茄湯，酸酸甜甜好開胃🍅～
小食方面 唐揚魷魚鬚，炸得香脆，唔會覺得油膩🦑✨！
飲品：如果係$42以下嘅飲品就唔使加，但我見到有藍莓香蕉乳酪奶昔，就加咗$12試吓🍌🫐🥤～奶昔好creamy，藍莓酸酸甜甜同香蕉味夾到
最後仲有個奶凍，係驚喜之選！奶味濃郁，食落滑溜溜，頂層係啲餅碎，有脆口感！🍮✨
第二個set：香煎脆皮比目魚
呢條比目魚煎得金黃脆口，魚肉嫩滑🐟🔥。一樣有個西式餐湯，呢餐仲附送兩隻芝麻雞翼，雞翼炸得香香脆脆，仲有陣淡淡芝麻香，好邪惡呀🍗✨。
飲品方面，有黑糖薑母茶，唔使加錢！飲落有啲暖胃嘅感覺，薑味唔會過重，黑糖味仲有少少甜甜地，幾舒服嘅組合🫖🍯。
另外加點咗：
1. 牛油清酒煮蜆：蜆肉好大粒好甜好鮮，有10粒8粒！清酒加牛油嘅調味香濃🍶
2. 天婦羅軟殼蟹壽司塔可：天婦羅可能放得耐咗 差D酥脆感、蟹肉如果再鮮甜啲就好🌮🦀✨
1
