Ohayo

Open Now

Now Closed

之前去過鑽石山分店食晚餐，今次就下午時間同朋友嚟咗尖沙咀分店。呢度同鑽石山分店裝修差唔多，唔同在有埋海景睇。打卡一流，仲可以望住個海食嘢。都幾Chill!!平日大概2點過嚟，唔洗book枱，亦估唔到都好多位！我哋兩個女仔，朋友唔係大食嘅女仔。所以我哋叫咗一份午餐套餐Share，再叫一份甜品，就已經好飽！芝士焗肉醬意粉，重芝士，亦係熱辣辣！套餐可以揀湯或雜菜沙律，我揀咗雜菜沙律。另外點咗熱蜜桃紅茶，幾清新，因為唔會好甜，非一般嗰種蜜桃糖漿味。跟餐嘅雜菜沙律朱古力布朗尼窩夫，仲有球朱古力雪糕，朱古力控啱晒，好好味！佢哋甜品選擇都多，下次都想試埋佢哋嘅Souffé Pancake。