Video
Read full review
2023-04-03
592 views
經過【屋子】幾遍，每次門外都有條人龍，今天也沒有例外。只是餐廳的和風裝修實在吸引，趁着今天人龍較以往短，下定決心排隊等位。餐廳裝修非常簡約，主色調係白色及淺色木皮，配搭藤枝及木枱，再加上紅色吊燈作為點綴；充滿日本風味，甚至以為去咗Muji。全間餐廳最受歡迎的座位，肯定係靠近門口、兼面向落地玻璃的四張和式矮枱；除了真係用上日本榻榻米地蓆之外，還放上四個坐墊，非常正宗嘅日本風情。就算在日本，也要某些高級和式料理、或者京料理 / 懷石料理等傳統日本料亭，才會有這種布置。等候上餐期間，細心留意牆上裝飾品；原來與大圍的【屋子咖啡】屬於同一個小集團，唔怪得裝修風格及餐牌設計有點似曾相識的感覺。當然，作為【屋子】家族的最新店舖、也是面積最大的店舖，裝修最靚、也最體現了簡約主義。每間【屋子】的餐牌都有點不同，但一律以日本家庭的日常料理為主題；雖然簡單，勝在健康又美味。手羽餃子（$58）有點似粵菜糯米釀雞翼，只不過餡料改成了免治豬肉或者免治雞肉。雞皮炸至表面香脆，咬落爽滑；餡料多肉汁，又有點似日式煎餃子的餡料，有薑汁及香蔥味道。很好吃的手羽餃子。醬油特盛豚肉湯拉麵（$92）表面整整齊齊鋪滿薄切日式叉燒，
餐廳裝修非常簡約，主色調係白色及淺色木皮，配搭藤枝及木枱，再加上紅色吊燈作為點綴；充滿日本風味，甚至以為去咗Muji。
全間餐廳最受歡迎的座位，肯定係靠近門口、兼面向落地玻璃的四張和式矮枱；除了真係用上日本榻榻米地蓆之外，還放上四個坐墊，非常正宗嘅日本風情。就算在日本，也要某些高級和式料理、或者京料理 / 懷石料理等傳統日本料亭，才會有這種布置。
等候上餐期間，細心留意牆上裝飾品；原來與大圍的【屋子咖啡】屬於同一個小集團，唔怪得裝修風格及餐牌設計有點似曾相識的感覺。當然，作為【屋子】家族的最新店舖、也是面積最大的店舖，裝修最靚、也最體現了簡約主義。
每間【屋子】的餐牌都有點不同，但一律以日本家庭的日常料理為主題；雖然簡單，勝在健康又美味。
手羽餃子（$58）有點似粵菜糯米釀雞翼，只不過餡料改成了免治豬肉或者免治雞肉。雞皮炸至表面香脆，咬落爽滑；餡料多肉汁，又有點似日式煎餃子的餡料，有薑汁及香蔥味道。很好吃的手羽餃子。
手羽餃子
$58
8 views
0 likes
0 comments
醬油特盛豚肉湯拉麵（$92）表面整整齊齊鋪滿薄切日式叉燒，但唔知點解加多隻溫泉蛋流心雞蛋黃，並且弄走了大部份蛋白？整體賣相係幾靚嘅，但流心雞蛋黃同湯拉麵唔係好協調，小編認為跟返傳統，用原隻半熟玉子更合適。
醬油特盛豚肉湯拉麵
$92
21 views
0 likes
0 comments
見到叉燒中間只有一小圈豚脂，應該係用豬肩肉紥捲制成。有別於大部份其他日式拉麵店的醬油浸煮叉燒，顏色偏淺，不過仍然入味，亦沒有火炙處理提升香氣；着重豬肉原味，整體感覺較健康清新。拉麵條係傳統日式拉麵，略粗身；彈牙及嚼勁一般，麥香唔夠。湯底就係關東風嘅醬油豚骨清湯，清澈見底兼少油。小編個人口味，還是較喜歡濃厚豚骨湯底嘅日式拉麵。
醬油特盛豚肉湯拉麵
$92
5 views
0 likes
0 comments
壽喜燒牛肉定食（$98）就令人失望，雖然已經預計這個價位的壽喜燒唔會正宗，但落差仍然偏大。太多醬汁、太稀身，似湯；味道雖然帶甜，乎合壽喜燒要求，但賣相變成了涮涮鍋。試真啲味道，亦甜膩有點過分。絹豆腐、鮮冬菇、日本大蔥都幾好。反而薄切牛肉麻麻，偏瘦，又完全熟透了；變得太過嚡口，唔好味。
壽喜燒牛肉定食
$98
18 views
0 likes
0 comments
壽喜燒牛肉定食
$98
7 views
0 likes
0 comments
鮭魚綜合茶泡飯（$89）另加 $30 轉定食，多了味噌湯、甜品及飲品，揀了西柚冰茶。甜品係日式麻糬，表面沾滿花生蓉，甜甜地、煙煙韌韌。
鮭魚綜合茶泡飯
$89
22 views
0 likes
0 comments
鮭魚綜合茶泡飯
$89
4 views
0 likes
0 comments
鮭魚綜合茶泡飯
$89
19 views
0 likes
0 comments
西柚冰茶有淡淡西柚清新果香，又冇檸檬咁酸；同餐廳嘅日式簡約裝修感覺及用餐環境氣氛很匹配。
今日揀了三款不同出品：拉麵、泡飯、壽喜燒，原來並非每樣出品皆好味；其中以壽喜燒最失望。諗返轉頭，其實不應該揀壽喜燒，根本唔係家庭料理；至於泡飯及拉麵就幾好味，下次再來就識得應該點樣點菜。
Post
