Video
Read full review
2021-12-12
514 views
裝修充滿日式和風格調，環境寬落開揚，有自然光透入餐廳，好chill。花楽經典下午茶 $298 for Two無論係鳥籠兩層架，定係餐具都好有心思。食物設計精緻，以鮮花做襯托真係好賞心悅目☺️🌸整體食物好精緻，而且味道好食，對hightea set嚟講好睇又好食真係難得👍🏻，係性價比幾高嘅下午茶。上層有:🌼紫蘇青瓜漬配白蜆肉: 酸酸鹹鹹，幾開胃。🌼山葵漬吞拿魚腩蓉配日本花餅: 吞拿魚腩蓉味道濃厚，個人覺得同花餅唔太夾。🌼小松葉牛油果沙律配米通: 蔬菜好fresh，口感豐富，好味😋🌼炙燒手挽鹽粟米壽司: 粟米烤得焦香，壽司飯壓得幾好，比預期有驚喜。🌼吞拿魚玉子配黑毛豬風乾火腿: 正常味道，蛋唔太食得出吞拿魚味。下層有:🌸自家製櫻花水信玄餅配黑糖: 櫻花好靚唔捨得食，口感清爽似果凍，甜甜地。🌸十勝紅豆綠茶厥餅: 高質，紅豆粒粒飽滿又夠甜，綠茶都突出。🌸黑芝麻和菓子: 淡淡芝麻香，口感軟身。🌸日東卷: 蛋糕好輕巧綿滑，入口溶化，唔會太甜，最鐘意❤️🌸時令水果: 半隻桃，唔算好甜，上層有一層鮮忌廉，有點邪惡但幾香。咸點: 🍁燒鱈魚干: 似脆餅，幾香口。🍁泡菜漬伴山葵八爪魚: 開胃，酸酸辣辣，泡菜幾好
花楽經典下午茶 $298 for Two
無論係鳥籠兩層架，定係餐具都好有心思。食物設計精緻，以鮮花做襯托真係好賞心悅目☺️🌸
整體食物好精緻，而且味道好食，對hightea set嚟講好睇又好食真係難得👍🏻，係性價比幾高嘅下午茶。
上層有:
🌼紫蘇青瓜漬配白蜆肉: 酸酸鹹鹹，幾開胃。
🌼山葵漬吞拿魚腩蓉配日本花餅: 吞拿魚腩蓉味道濃厚，個人覺得同花餅唔太夾。
🌼小松葉牛油果沙律配米通: 蔬菜好fresh，口感豐富，好味😋
🌼炙燒手挽鹽粟米壽司: 粟米烤得焦香，壽司飯壓得幾好，比預期有驚喜。
🌼吞拿魚玉子配黑毛豬風乾火腿: 正常味道，蛋唔太食得出吞拿魚味。
下層有:
🌸自家製櫻花水信玄餅配黑糖: 櫻花好靚唔捨得食，口感清爽似果凍，甜甜地。
🌸十勝紅豆綠茶厥餅: 高質，紅豆粒粒飽滿又夠甜，綠茶都突出。
🌸黑芝麻和菓子: 淡淡芝麻香，口感軟身。
🌸日東卷: 蛋糕好輕巧綿滑，入口溶化，唔會太甜，最鐘意❤️
🌸時令水果: 半隻桃，唔算好甜，上層有一層鮮忌廉，有點邪惡但幾香。
咸點:
🍁燒鱈魚干: 似脆餅，幾香口。
🍁泡菜漬伴山葵八爪魚: 開胃，酸酸辣辣，泡菜幾好味。
🍁吉列帆立貝配蟹籽沙律: 外層香脆，想食多一兩塊😋
飲品:
☕️檸檬瑪黛茶: 淡淡清香，配花蜜嘅天然清甜，味道更平衡。
Post
