Video
Read full review
2024-08-07
1511 views
前日同朋友講開和食放題，似乎而家食呢啲餐廳好似流行過食自助餐，好似朋友推介新世紀嘅殿大喜屋，小紅書聲稱為放題天花板，有冇咁勁？唔知，只係知道而家放題真係唔夠膽亂試，因為quota有限。好耐之前已經食過和道屋，上網見到佢有新嘅放題，90分鐘，本身係$588，推廣價$388一位價錢又唔算太貴，咁耐冇食就試吓。重點係任食日本A4和牛、北海道米豚、廣島牡蠣壽喜燒，你可選壽喜燒又或者日式豆乳豚骨湯底，最正嘅係和牛可以任食，而且上得好快，唔會漏單。牛肉唔算太大塊，唔會好油膩，可以密密食都唔怕，同佢博過。豬肉同廣島蠔水準都正常，當然唔夠牛肉咁搶鏡。另外壽喜燒可以任食野菜盤，食肉食得多都可以加多啲菜，如果你好澱粉質，加幾個溫泉蛋紫菜飯同溫泉蛋稻庭烏冬，老實講呢兩樣嘢都整得幾好食。晚市任食以上三款，午市每款追加一次，而午市$268一位一，相對晚市化算得多。自選每位5款生燒即做串燒/料理/天婦羅都係一個重點，我選了海膽大葉天婦羅，好大件都做得唔錯，串燒有多種，鹽燒和牛粒/鹽燒雞翼/甲羅燒/日式雞軟骨/多春魚/明太子雞腿串/鹽燒雞腎/鹽燒三文魚頭/明太子雞翼/燒牡蠣/千歲米豚腩片/燒鮮冬菇/焦糖菠蘿/土佐豆
前日同朋友講開和食放題，似乎而家食呢啲餐廳好似流行過食自助餐，好似朋友推介新世紀嘅殿大喜屋，小紅書聲稱為放題天花板，有冇咁勁？唔知，只係知道而家放題真係唔夠膽亂試，因為quota有限。
好耐之前已經食過和道屋，上網見到佢有新嘅放題，90分鐘，本身係$588，推廣價$388一位價錢又唔算太貴，咁耐冇食就試吓。
重點係任食日本A4和牛、北海道米豚、廣島牡蠣壽喜燒，你可選壽喜燒又或者日式豆乳豚骨湯底，最正嘅係和牛可以任食，而且上得好快，唔會漏單。牛肉唔算太大塊，唔會好油膩，可以密密食都唔怕，同佢博過。
豬肉同廣島蠔水準都正常，當然唔夠牛肉咁搶鏡。
另外壽喜燒可以任食野菜盤，食肉食得多都可以加多啲菜，如果你好澱粉質，加幾個溫泉蛋紫菜飯同溫泉蛋稻庭烏冬，老實講呢兩樣嘢都整得幾好食。
晚市任食以上三款，午市每款追加一次，而午市$268一位一，相對晚市化算得多。
自選每位5款生燒即做串燒/料理/天婦羅都係一個重點，我選了海膽大葉天婦羅，好大件都做得唔錯，串燒有多種，鹽燒和牛粒/鹽燒雞翼/甲羅燒/日式雞軟骨/多春魚/明太子雞腿串/鹽燒雞腎/鹽燒三文魚頭/明太子雞翼/燒牡蠣/千歲米豚腩片/燒鮮冬菇/焦糖菠蘿/土佐豆腐/炸大山雞塊/炸番薯片/炸燒日本南瓜/牛油燒甜栗米，中選了貴價嘅甲羅燒，三文魚頭同燒蠔，整體都唔錯，當然見仁見智食乜嘢。
料理就選了吉列廣島蠔，不過叫完覺得自己蠢左，壽喜燒有得任食應該點蠔，頭先叫完燒蠔又食蠔，又交左智商稅。
每位會送個刺身塔，不過刺身塔冇你想像中咁大份，另一位選擇了+$88升級香蔥拖羅火山配秘製搾り柚子汁，聽店員講呢個係大阪嘅一個原裝食法，幾好食，不過老實講加唔加錢就見仁見智。
前面送的和風沙律和後面送的雪糕也不錯，可以一吃。
任食即做手握壽司，有加州卷、三文魚、油甘魚、火炙三文魚、火炙左口魚邊、香蔥吞拿魚蓉、八爪魚、飛魚籽、海膽魷魚、青芥辣八爪魚、明太子沙律，個人特別推介油甘魚、左口魚邊同海膽魷魚，壽司唔算太大件，而且味道都算唔錯。
好耐無食過放題下，呢間都幾好，當然唔係啲乜嘢珍饈百味，但係放縱一下食過放題係一個唔錯嘅選擇。
Post
