廉記冰室 (春園街) (Closed)

「廉記飯堂」簡直係我公司同事們的飯堂，一星期起碼去三，四日。就算唔堂食，都要外賣日日新鮮出爐的：义燒酥，雞批返公司tea 1 tea ! 基本上一日食一款，成張餐牌都有排食。以下幾款真的真的完全令人回味無窮，好味到打冷震：芝士鮮茄焗豬扒飯：厚厚的豬扒，每啖肉都好入味，好多汁，加上原隻鲜茄的醬汁，十分開胃。仲有芝士，十分邪惡。炒飯㡳，飯粒粒分明。香煎雞扒撈公仔麵：芝士撈丁很多地方都有，但我最喜歡是芝士和公仔麵分開上，唔會上台枱就「淋」晒。雞扒皮煎到卜卜脆，但仍保留住肉汁。女人的浪漫；名字十分浪漫，真係好女仔。好適合女仔食，有菜（波菜），有肉（鳗魚），有烏冬，仲要有隻流心溫泉蛋。但最驚喜係饅魚跟湯烏冬一拼上，但完全無浸到淋，鰻魚皮十分香脆。