一魚 (Closed)

見公司嘅同事都話依間壽司店唔錯，平時lunch time經過都見坐滿人，於是今日就去左試下。下午茶時段，我點了一客三文魚帆立貝蟹柳飯，沒有飲料，另加一碗麵豉湯，即叫即做，盛惠58元，唔算好平，係金鐘算ok啦。餐廳裝潢尚可，半開放式廚房，環境衛生很好，而且店鋪冷氣足夠，侍應服務態度不錯。上菜速度幾快，只是等了幾分鐘就有得食喇，帆立貝甘鮮可口，珍珠飯亦溫暖，手撕蟹棒不過不失。可惜三文魚無想像中咁肥美，蟹籽和刺身飯的味道亦一般。不過刺身飯配上一碗熱騰騰的麵豉湯是一個不錯的午餐，份量剛好。