9月好多處女座朋友😂，今次整個驚喜，帶佢去呢到食生日飯🤗。一入去已經聞到燒肉香🍖，有好多生日佈置，影相一流 📸。卡位仲有佢最愛龍珠，好開心🫶🏻。
我哋揀咗120分鐘任食澳洲和牛燒肉火鍋🐂，超過百款選擇😱：牛、豚、鷄肉、和風小食、炸物、湯麵、蔬菜、鍋物、雪糕甜品，仲有飲品任飲 🍦🥢。
特別推介—醬燒排骨惹味、牛柳粒實在、燒牛舌爽口，肩胛同三角肉焦香，好啱配飯😋。
另外試咗黃金粟米湯 🌽，甜香好飲，拼免費豚骨湯底，更加舒服。
可以升級任食生蠔、鵝肝蝦片、和牛他他
兩個人以上送原條鰻魚壽司 🍣，都幾有誠意。
最後生日芝士蛋糕🎂，畫咗chiikawa，可愛又好味，成晚更圓滿🥳。
