燒肉 帝 (Closed)

日式燒肉放題呢間店鋪之前未做放題時，我已經食過午市，真心勁高質，見到佢有放題食，即刻同朋友一齊去! 當晚黎到餐廳，已經有好多人入左座，見到店員都非常忙碌咁。呢度係用紙落單既，即刻嗌左勁多和牛，我都係最中意三筋三角部位，瘋狂叫，真心回本之選。另外佢仲有送帶子刺身，非常鮮甜。個爐相對其他任食燒肉比會細少少，不過因為師傅切肉切得好好，大細適中，基本上燒一燒就已經食得，唔存在要等好耐都未燒好既情況。另外我非常建議一定要嗌羊架，絕對唔係cheap cheap凍肉鋪果d肉，一食就知係靚野。扇貝、虎蝦同廣島蠔都係好好味。野飲方面都係好大路既汽水同紙包飲品，最尾仲會有甜品雪糕送架，唔好漏左啊!