全程掃碼點餐，店員仲會教我哋點樣自製壽喜鍋，跟住教程照貓畫虎最後都係大成功啦🥳
因為想品嚐更多種類，兩個人只係點咗一個鍋，但追加咗唔同品類嘅肉，食起嚟真係大滿足！
🍽三重黑毛和牛壽喜鍋套餐 + 澳洲 M6和牛肩胛
店內一共有四種牛肉，點咗三重黑和牛本身就有肩胛肉、肉眼肉同西冷肉，全部都係來自鹿兒島嘅黑毛和牛。額外追加一份澳洲和牛肩胛就可以一次性體驗四種和牛，爽😊
牛油爆香後翻炒出嚟嘅蔥香，搭配上壽喜汁令牛肉哋入口即化，香嫩可口。配上套餐入面嘅生雞蛋液同醃漬蘿蔔只可以話食到嘅人有福喇😆米飯配嘅飯素亦都好香，唔好放過多飯素嘅選項！
食完肉之後煮耐入味嘅蔬菜味道更上一層樓，雖然食肉食飽咗，但係都忍唔住多食咗幾口，只可以安慰自己食菜唔會肥🥺
🍽吞拿魚 & 三文魚刺身
刺身嘅品質唔錯，一口落去就可以感覺到食材嘅新鮮。最讚嘅係每片都係厚切，唔會過於單薄，食完齒頰生香，大滿足🥳尤其係三文魚，深海大肥豬萬歲🎉
🍽吞拿魚五點壽司
唔係好鍾意食吞拿魚嘅人都被呢五貫精緻嘅壽司吸引啦，每一貫搭配嘅都係唔同部位嘅吞拿魚，能夠令你層層遞進噉感受到食材嘅鮮美。米飯細細個都唔會過於顯眼，作為配角好好噉襯托出咗魚肉嘅美味，如果一定要揀嘅話，我會揀再嚟五貫～
🍽柚子千層蛋糕
食完咁多肉之後嘴巴入面都係油脂嘅香氣，呢個時候嚟塊千層蛋糕沖淡一下就好唔錯啦，如果呢塊蛋糕係打卡送嘅就更加唔錯喇😌甜鹹永動機係永遠嘅真理！
一個月內再次光顧亦可以憑單再次九折，新店開業有打卡福利、額外九折仲免加一，請速衝！ ！而家仲可以喺小紅書睇菜單同訂座噢～
