鋒哥廚房 (Closed)

上星期母親大人生日，佢話好耐冇打邊爐🤣就叫我同細佬搵地方，最後就去鋒哥廚房，地點唔算好方便，不過細佬揸車去都OK，離地鐵站都係大概10分鐘路程自取區食物都齊全，蔬菜同丸類都幾多，而且睇落乾淨衛生，衛生狀況有保證😎我地要左個四川麻辣湯底，叫左大量蜆黎煮，蜆清洗得乾淨，冇沙，得一兩隻冇開殼，其他都開哂，都幾鮮味😚食完蜆就食肉，叫左牛頸脊同埋豬肉片，肉質鮮嫩腍滑，牛味濃郁🐮雞肉帶麻辣感覺，肉質都幾好，肉多骨頭少，煮的時間愈久愈辣另外炸魚皮同炸響鈴幾鬆脆香口🍤浸落湯底真係超入味，最後仲加左芽菜、豆腐、牛丸、寬粉等，整體母親大人都幾滿意今餐安排🍰