Video
Read full review
2009-11-24
26 views
呢兩個星期可以早放學, 朋友提議搵個時間去尖沙咀覓食本身想揀重慶大廈既咖啡店, 但係因為劣評如潮, 頓失目標, 唯有到左尖咀再入海港城再算.到逹目的地已經係兩點, 我地決定入地第一間見到既餐廳.又一次變成隨機覓食.入去, 我地揀左室內正中間既位, 光線充足, 亦面對海港夠開揚.應該係就快完午市既關係, 餐廳唔多客, 造就左一個幾靜既環境.Set Lunch 有幾個component, 分別係湯, 自助沙律吧, 小食, 餐飲, 甜品之類而Set Lunch ABCDE 就係呢幾個component 既唔同配搭我地三個人, 每人各自叫左一個set, 入面有沙律吧, 兩款小食, 餐飲同埋甜品. 另外其中兩個set 多一個湯.今日既湯係椰菜花忌廉湯自己幾鐘意忌廉湯, 而呢度亦做得夠creamy, 唔係麵粉湯除左有椰菜花外亦都有煙肉不錯既選擇沙律吧唔係剩底太多野食但仍然有菜, 蕃茄, 長通粉, 好幾款olive, 粟米另外有olive oil, grapeseed vinega, 或者係balsamic vinega, 千島醬, 煙肉粒, 麵包碎同太陽花籽做topping每人食左兩碟, 已經飽左
本身想揀重慶大廈既咖啡店, 但係因為劣評如潮, 頓失目標, 唯有到左尖咀再入海港城再算.
到逹目的地已經係兩點, 我地決定入地第一間見到既餐廳.
又一次變成隨機覓食.
入去, 我地揀左室內正中間既位, 光線充足, 亦面對海港夠開揚.
應該係就快完午市既關係, 餐廳唔多客, 造就左一個幾靜既環境.
Set Lunch 有幾個component, 分別係湯, 自助沙律吧, 小食, 餐飲, 甜品之類
而Set Lunch ABCDE 就係呢幾個component 既唔同配搭
我地三個人, 每人各自叫左一個set, 入面有沙律吧, 兩款小食, 餐飲同埋甜品. 另外其中兩個set 多一個湯.
今日既湯係椰菜花忌廉湯
自己幾鐘意忌廉湯, 而呢度亦做得夠creamy, 唔係麵粉湯
除左有椰菜花外亦都有煙肉
不錯既選擇
沙律吧唔係剩底太多野食
但仍然有菜, 蕃茄, 長通粉, 好幾款olive, 粟米
另外有olive oil, grapeseed vinega, 或者係balsamic vinega, 千島醬, 煙肉粒, 麵包碎同太陽花籽做topping
每人食左兩碟, 已經飽左.
侍應們服務有水準, 佢地係見我地就快食完D沙律, 先問我地係咪上小食.
雖然已經飽左, 但係好彩仍然叫上, 否則就錯失左好多好野食.
一人有兩款, 其中一款叫左兩個, 所以我地試到五款小食.
應該係因為我地全部都有叫小食, 所以我地係可以share 既.
其實叫做小食, 個size 真係小既, 但係慢慢食下食下就會剛剛好.
個Beef stewer 有兩串牛肉同埋下面類似芝士焗薯條蓉既野, D牛肉剛剛好, 唔會扯唔開, 下面既薯蓉真係一絕 只係咸左少少, 但係真係好掂
炸大蝦雜菜, D蝦夠新鮮, 同埋都OK大隻, 總之就有水準啦
沙甸魚一開始睇落好似秋刀魚, anyway, 好驚佢會腥, 但係最後一D都唔腥, 同埋朋友話都幾甜
最後有兩個切成餅乾狀既農夫包配蕃茄醬同埋茄子牛油果希臘芝士. 蕃茄醬幾清新, 而另外既茄子牛油果芝士就好濃味, 係一個幾好既配搭. 加埋少少黑胡椒粒上去就perfect 喇.
餐飲, 三個人都叫左latte, 沖得幾香, 無我最怕用滾水沖咖啡既酸味
最後就係甜品. 係一細舊芝士蛋糕, 上面有一層蘋果醬. 雖然細細舊, 但係就剛剛好可以放佢落肚. (其實我發覺好多人好多時候都係眼闊肚窄)
係有水準既芝士蛋糕.
食晒, 我地已經變得好飽. 趁咁難得有得出去享受下, 我地就坐o係度吹左好一陣水. 好既係, 侍應們都無趕我地走. 最後, 去到四點幾, 太陽都開始照入去餐廳, 我地先走.
總結, 呢餐D野食真係好掂, 環境亦都好舒服, 有機會要挑戰下生蠔!
Post
