101肉燥飯專門店 (厚福街) (Closed)

一行七人去食飯，台式野諗住都穩陣，而且間店比起其他算係多客，所以都試下啦。朋友叫左雞扒肉燥飯，呢個飯我覺得味道都還好，因為起碼肉燥都唔會太難食嘅。 我自己呢就叫咗個類似常餐嘅嘢，番茄湯通粉，蛋同埋奶油多士，但其實唔好食，我冇諗過一個咁普通嘅餐都可以整到難食，所以真係有啲失望。仲有佢個杯蜜桃嘢飲，真係唔係幾好飲。另外有個餐係拼鹽酥雞翼，佢只係個樣好睇，但係完全冇味，我懷疑佢冇落調味料最過分就係呢個嘅 麻醬撈麵，我朋友食到啲面係有冰，應該係啱啱喺雪櫃到拎出嚟，仲有啲面係超級淋，食落口嘅質感真係唔好受。我諗下次都唔會再嚟㗎啦。