雲南過橋米線

Open Now

Now Closed

OT O到八點幾，見肚餓又無咩野想，天寒地凍去食下酸辣粉都好，至少暖笠笠先啦。來到公司附近的雲南過橋米線，就快九點都仲坐滿人，質素應該有保證啦掛！？撘枱坐，卡座都幾迫，咁細張枱平日要坐四個人？好辛苦啫好彩今晚夜唔算多人，兩個人都好濶。酸辣炸醬紅薯寛粉加豬大腸（$31）賣相都唔錯，大腸幾多，粉亦大碗，仲撘左兩條生菜。大腸軟腍入味，不算太肥，但剪得好隨意，大大小小的，有幾件仲剪到絲狀。寛粉好彈，吸湯食係好味嘅，但太彈同大條，只能著條著條食，咬到有啲口軟，下次都係食番幼得啦。要了小辣我覺得剛剛好，酸酸地小小辣幾對胃，鍾意佢個炸醬味同芫荽。只要唔加太多餸，價錢都唔算貴啦，一碗係夠飽嘅。好似又加左價？新年得25蚊碗啦。