王瑤 (Closed)

上星期來試新野﹐我是中午第一個到的人客﹐但竟然我訂了檯﹐佢地都係比張近出菜位﹐人來人往的檯我﹐我以為其他檯都訂滿了所以沒有出聲。餐廳佈置好西式﹐燈光暗暗的﹐重播放著類似爵士樂的音樂﹐但其實這裡是吃中式菜和點心的。點心都有十多款﹐我地叫了田螺包、醉雞翼﹐和甜酸蝦炒麵。叫田螺包有些冒險﹐但估不到非常好味﹐內裡的餡料除了用上田螺外﹐亦是一般叉燒包的醬料﹐但冇叉燒包咁濃味﹐好吃。醉雞翼來到時仍然熱的﹐酒味濃濃的﹐令人意外的是雞肉非常嫩滑﹐完全沒有半點雪藏味道﹐好吃。最後的甜酸蝦炒麵﹐賣相甚為討好﹐三角形的玻璃碟﹐鮮紅色的蝦配上淡黃色的炒麵。大蝦有六、七隻﹐算幾多﹐配菜亦沒有馬虎﹐有西蘭花、菠蘿、青椒﹐所落的甜酸汁味道亦適中﹐只是落的汁相比起麵條過多﹐令到食起來味道過於甜和酸﹐如果放少些汁就真係一百分喇。我地食到一點半﹐餐廳都只有五成滿﹐所以他們起初不應該要我地坐些位置差的位﹐人地訂了檯﹐應該預留較佳座位﹐他們竟然連這樣的道理也不明白。總體上﹐食物非常佳﹐服務亦好好﹐所以今日中午我又訂了檯﹐睇下今次佢地會不會又要我坐出菜位。