木子居酒屋

Open Now

Now Closed

之前睇完MM條片，特登過去試左木子居酒屋，唔知點解啲人會話佢高質😂說不上難食，但係唔會覺得好食，冇份量都唔覺得有質素，五個人埋單每人五百幾蚊。同行五人基本上意見都幾一致，燒灼嗰啲唔夠酒味，西京燒腥味重，海膽有啲苦，炸雞、串燒OK，炸魷魚有啲韌，壽司同刺身嗰啲普通正正路路，但係刺身係又薄又細，最好食係個軟殼蟹天婦羅同埋牛舌心，條片講到抵食又話好幸福，真係不敢苟同，只可以話主持太好戲，同埋相信咗MM係我心目中嘅公信力，呢個價錢真係有太多選擇，唔建議大家試食🙂‍↔️食物相就唔影啦，俾張單大家睇吓。