Olive Garden 地中海餐廳 (Closed)

我同男朋友最鍾意周圍搵好野食，會次經朋友介紹到呢間餐廳，第一次試地中海菜，咦？有驚喜！我點左凱撒沙律，D菜好新鮮，食到甜味之餘仲好脆口，而且顏色好靚，賞心悅目！不過剛炸好既麵包乾頗油膩，加埋好香濃既芝士粉，如果唔食得「漏」既朋友唔好試，否則會食唔落其他食物。烤羊架，嘩，一流！我男朋友唔喜歡食羊，但呢款羊架唔單止無羶味，仲入口嫩滑，有充足肉汁，唔錯唔錯~我地仲點左扒芝士配中東包，個芝士好細塊，不過味道好濃(仲好鹹)，一定要配中東包食。個中東包呢，好香呀，食得出D麵粉係靚野，有口感但唔會太乾，我同男朋友都超讚。價錢都唔算貴，學生來講仲負擔得起，不過呢......真係細份左少少，可能呢D菜式會比較漏，所以會細碟D。